【環球金融快線】加密貨幣非技術反彈

【Now財經台】加密貨幣去年受連串幣圈爆煲事件拖累，導致價格急挫，市場形容加密貨幣步入「寒冬」，不過，近日似乎有「回暖」跡象，龍頭比特幣(Bitcoin)由去年底低位15000美元水平，回升至近日嘅21000美元以上，而單計過去1個月，Bitcoin累升約26%，純粹係之前跌得多，依家出現技術反彈？還是因美元轉弱，加密貨幣跟隨其他風險資產回升？

高富金融集團投資總監梁偉民指，上述兩個因素都有關，美債息及美元回落都對風險資產價格有支持，自全球主要交易平台出事後，市場信心大跌，甚至出現恐慌性抛售，但近期未見有其他平台出事，其中一個全球最大交易平台幣安仍然安全，對市場嚟講係一個好消息，最少冇出現人踩人嘅骨牌效應，帶動加密貨幣自低位反彈，除Bitcoin外，以太幣亦大幅反彈，兩者最近都升咗20%至30%。