【樓市指南針】銀主盤增唔擔心消化唔到

【Now財經台】第3季住宅銀主盤升幅係近4年最大，睇返拍賣會參與者，本地及內地投資者都積極參與競投，近期銀主盤投資者多咗還是少咗？點預測今年最後一季整體銀主盤存數量？

忠誠拍賣行拍賣部總經理鄭世傑指，近半年其實全港幾間拍賣行嘅拍賣數目都有增長，成交多之餘，價錢亦吸引，後續情況就要視乎本港經濟發展。佢又認為，雖然銀主盤現時明顯多咗，但唔使太擔心會好似當年金融風暴咁大幅飆升，截至10月至今，整體銀主放盤有逾400個，要消化唔難，估計未來都會喺現水平上落。