【Now財經台】第3季2000萬元以上私樓買賣共813宗，按季大跌逾41%，係去年第3季以嚟最少，涉及金額亦跌近29%至約451億元，點解會出現呢個情況？嚟緊會唔會出現轉勢訊號？
中原地產研究部高級聯席董事楊明儀指，成交急跌嘅原因包括內地今年5月開始，起打擊非法跨境資金，對內地賣家影響較大，尤其係一手市場，所以跌幅較二手顯著。佢又指，高價市場大部分係內地買家，所以措施出台後，可能會影響資金調配，而措施亦令股市顯著回調，加上受憂慮美國聯儲局再加息等因素夾擊，連本地買家入市態度都轉趨審慎，中高價物業成交影響會較大。
楊明儀續稱，展望第4季，成交量未必會顯著上升，因為發展商依家主要推售中低價新盤，估計高價盤第4季會按兵不動，可能要到明年農曆新年後再推出，所以第4季都係以中低價物業成交為主，趨勢暫時未有逆轉跡象。
