【Now財經台】上月山頂南區豪宅買賣整體表現淡靜，成交宗數按月跌35%，金額更大跌逾50%至約12億元，係咩因素令山頂南區豪宅交投偏淡？
美聯物業山頂南區豪宅首席區域營業董事方富義表示，視乎係咩用家購入咩單位，以及有咩類型業主放盤，南區放盤比較唔一致，都唔係大型屋苑類別，要等大額交易放出市場。
佢又指，今年1月至6月成交暢旺，跑贏去年同期，由於上半年升幅已經算多，消化咗唔少單位，因此，暑假期間貨源減少，剩餘單位價格亦平均較上半年同類單位高，導致銷情正常地變慢。此外，暑假唔少家長會帶子女外遊，加上雨季持續落雨都會影響成交。
