【Now財經台】有報告指，20大指標屋苑中，8月至今大型及中型單位嘅銀行估價都下調咗，其中，大型屋苑嘉湖山莊估價下調約3%，係咪反映大型銀行對呢類單位嘅估價轉趨保守，還是只係個別例子？會唔會成為一個趨勢？
星之谷按揭轉介行政總裁莊錦輝指，暫時未見大銀行態度轉趨保守，無論銀行估價升定跌，好大程度上都係同屋苑實際成交掛鈎。佢又指，個別大型藍籌屋苑估價下調，係反映嗰個屋苑成交量正輕微減少。
Raymond續指，一般喺網上查閱嘅估價都係初步估價，直至買家要申請按揭時，銀行就會嘗試調整估價同合約價相同，而合約價之後會成為單位嘅最新估價，所以銀行嘅估價會比較被動，係一個滯後指標，而唔係前瞻性。
