【Now財經台】近期西貢區村屋成交明顯著增加，主要係咩因素帶動？唔同地區村屋嘅表現、價錢、買家及需求又有咩分別？
世紀21奇豐物業西貢區營業董事廖振雄認為，主要受「撤辣」、專才來港、息口預期向下，以及本港經濟向好帶動，西貢村屋今年以來錄得162宗成交，較去年同期嘅109宗，按年大升49%，成交量絕對跟得上大市升幅。
Frankie又提及，近5個月，西貢村屋大額成交明顯多咗，主要集中於西沙路企嶺下老圍及大網仔區，最大嗰10宗成交之中，有70%係自住用途嘅內地客，其中1名買家斥資7400萬元，購入兩間面積2100平方呎嘅村屋。
廖振雄續稱，留意到有唔少投資者會選擇西沙路頭段，近馬鞍山及清水灣、科技大學大埔仔村嘅村屋，作學生宿舍用途。
