【環球金融快線】SpaceX投機熱散戶勿瞓身

【Now財經台】美國富商馬斯克(Elon Musk)旗下SpaceX世紀IPO全球矚目，股份定價135美元，發行逾5.5億股，估計集資約750億美元，預期股份將會喺下周五(12日)登陸納斯達克。雖然市場對SpaceX上市熱切期待，但分析機構Morningstar就大潑冷水，認為SpaceX上市後股價或會插水，投資者應該點部署？

資深經濟分析師羅家聰認為，SpaceX認購反應火熱已冇懸念，不過，由於業務方面有好多嘢都係未知之數，所以公司選擇用一口價定價。佢又提及，雖然半導體股已差唔多炒到水尾，但認為SpaceX上市後唔會冇得升，只係預期整體股價走勢會較反覆。

KC強調，由於投資者唔能夠完全掌握SpaceX嘅投資目的及回報，所以建議將呢隻股份視為投機產品多於投資產品，抱炒作心態會比較好，亦不宜太重倉。