【專家分析】聯儲局「唔做嘢」對美股最好？

【Now財經台】美伊談判陷僵局，美股3大指數昨晚(4日)全線下挫，其中，道指收市瀉逾600點，標指就終止9連升。雖然美國小非農及ISM製造業數據造好，但聯儲局發表嘅褐皮書顯示，通脹持續升溫，而美國更呈「K型經濟」惡化趨勢，點分析依家嘅情況？

復星財富控股投資經理李曉翀認為，關稅消息及Google配股集資造成嘅影響，較通脹預期波動更明顯，導致美股昨晚下挫，雖然美國通脹預期不斷升溫，但仍認為美息今年「唔加唔減」係最好，雖然油價抽升係加息主要理據，但另一方面，中東地區供應鏈問題未解決，加上美國薪酬冇增長，所以聯儲局仍未有足夠本錢加息。

佢續稱，人工智能(AI)相關板塊亦會造成通脹壓力，加上美國失業率唔算太高，減息都有一定難度，因此，預期聯儲局今年會繼續喺加息減息之間拉鋸。

Andrew建議，投資者可留意企業盈利表現，又認為聯儲局今年咩都唔做，反而先至係對美股穩步向上最好嘅決定。