【打仗銷售遭殃】Hermes股價狂急瀉14% 史上盤中最大跌幅

【now.com財經】中東戰事對奢侈品牌嘅影響比預期大？連頂級奢侈品牌Hermes銷售都受戰火衝擊，喺法國巴黎上市嘅Hermes，股價喺今日(15日)歐洲交易時段早段，一度急瀉14%，錄得歷來即市最大跌幅。

集團指，今年第1季度，以固定匯率計算，銷售額僅增長5.6%，低過市場預期嘅逾7.4%，若按地區劃分，包括中東在內嘅區域上季銷售跌近6%，法國收入就減少2.8%，主要受旅遊消費疲弱拖累。

Hermes首席CFO Eric du Halgouet表示，集團喺英國、法國及瑞士嘅門店，中東消費者唔多，又話今季開局客流仍然比較弱。