【環球金融快線】美科技巨企入股Nscale非Circle Deal？

【Now財經台】在英國成立只有兩年的雲端數據初創業Nscale，完成新一輪20億美元融資，唔少科技巨企如英偉達(Nvidia)、戴爾(Dell)等都有參與投資，後續亦會同微軟(Microsoft)、OpenAI等有合作，當中有咩啟示？

獨立市場策略師陳俊文指，雖然市場對Nscale認識唔多，但可以攞咁多數以十億美元計嘅巨企合約，反映集團喺雲端服務供應範疇嘅能力獲得認同，連頂尖科企都願意用佢嘅服務。

Norman又話，巨企肯投資係一個正面訊號，由於歐洲雲端服務需求大，所以有一定生意空間，前景都睇好，大企業願意投資大量資金入股，亦比咗人工智能(AI)雲端好大信心，而唔係所謂嘅Circle Deal。