【中國建設銀行(亞洲) 呈獻:FINTERVIEW】內地今年GDP增長目標合理(上)

【Now財經台】全國人大會議今早(5日)開幕，國務院總理李強發表政府工作報告，去年國內生產總值(GDP)增長5%，今年目標就定喺4.5至5%，係1991年以嚟最溫和，亦係2023年以來首度下調，呢個係咪當前國際政經及貿易局勢下，一個較務實嘅目標？

花旗投資策略及資產配置主管廖嘉豪指，呢個目標反映當局嘅取態係「覺得最少係可行」，其實相對於全球經濟體及市場，4.5%至5%嘅增速已經唔錯，始終內地經濟仍面對唔少挑戰，包括樓市復甦緩慢、居民消費信心仍未見大幅改善。

佢又話，喺呢個背景下，將政策焦點放喺對宏觀經濟助力較大嘅創新、人工智能(AI)、內需，配合返現實環境，而去年整體經濟發展穩固，今年開局亦唔錯，對市場嚟講，如果今年經濟增長保持到4.5至5%都會收貨。