【專家分析】地區銀行危機令資金湧入美債避險

【Now財經台】市場再度關注美國地區性銀行信貸問題，其中，Zions Bancorp(齊昂銀行)及Western Aliance Bancorp(西聯銀行)股價昨晚(16日)重挫逾10%，主要係佢哋披露咗涉及欺詐、壞帳嘅貸款問題，需進行大額撥備，更拖累美股昨晚向下，資金湧入美債避險，10年期債息跌穿4厘，見1年低位，2年期債息更跌至2022年底以來低位。地區銀行危機係咪美債債價抽升嘅主因？

IG集團駐澳洲市場分析師葉蔚文指，市場的確對地區銀行情況有憂慮，所以可能有企業債資金轉投美國國債，而呢股避險情緒亦反映喺避險資產價格上，不過，現時市場普遍認為，聯儲局10月及12月都會減息，如果之後就業、經濟或通脹數據同市場預期有落差，到時可能令債息回彈，再對美股造成壓力。