【專家分析】特朗普加100%關稅得把口？

【Now財經台】中國上周四(9日)宣布為稀土出口管制加辣，美國總統特朗普(Donald Trump)翌日晚上發長文批評中方做法，又指冇需要同國家主席習近平會面，更威脅11月1日起向中國貨品加徵100%關稅，中方今次嘅舉動係咪觸動到特朗普嘅神經？

信誠證券及期貨投資服務部董事蕭猷華指，依家中國稀土生產佔全球60%，提煉更佔逾90%，因此，中國收緊稀土出口，美國醫療、軍工、人工智能(AI)領域都會受影響，導致特朗普有咁大反應。佢認為，其實係美國早前制裁16家中國企業，又限制半導體及晶片出口，先會惹嚟中方反制。不過，中方澄清稀土出口係根據正常程序審批，唔係全面禁止出口，加上特朗普再發文，指唔想傷害中國，令事件略為降溫。

Tony認為，加徵70%至80%關稅，已足以令中美都做唔到生意，所以特朗普話向中國貨品加100%關稅，佢相信都只會係「得把口」，市場毋須太擔心。