【驚得罪特朗普？】FT:華爾街被要求「收聲」

【now.com財經】華爾街分析師及投資者唔敢再批評，美國總統特朗普(Donald Trump)經濟政策帶嚟嘅潛在負面影響及風險？市場更開始自我審查。

據英國《金融時報》最新一篇專欄文章指，分析師喺年初時指特朗普嘅關稅政策有「侵略性」(Aggressive)，依家已變成「大規模」(Large)，而對美國嘅金融及經濟政策嘅描述，最新係冇「可預測性」(Predictability)，唔係「可信度」(Credibility)。

呢篇由《金融時報》編委會成員Katie Martin撰寫嘅文章又話，有個別相對活躍嘅市場參與者更直指，已收到老闆「溫馨提示」，要佢哋少啲批評政府，更出現有分析報告過唔到合規部門審核，最終唔可以發表嘅情況。