【黑客攻陷系統仍未恢復】朝日Super Dry啤酒隨時冇得飲

【now.com財經】據英國傳媒《Sky News》報道，唔少香港人都鍾意飲，來自日本兼有南韓女團BLACKPINK代言嘅Asahi Super Dry啤酒，爆發缺貨危機。

報道指，幾日前有黑客向日本啤酒巨企Asahi(朝日)發動網絡攻擊，導致集團全國工場出貨、生產、客服陷入停頓，據報依家仍未解決。此外，集團亦要叫停推出咖啡、汽水等新產品嘅計劃，損失暫時好難估計。

此外，有多家日本傳媒指，當地有可能喺短期內爆發Asahi啤酒荒，反映情況嚴峻。有批發商估計，Asahi短期內都應該唔可能向零售商供貨，所以都諗緊暫時用其他牌子嘅啤酒頂住先。

朝日股價爆出網絡攻擊事件至今，暫時累跌約7%，單計今日(3日)就跌逾1%，最新報1709.5日圓。