【期匯決算】新西蘭需持續減息刺激經濟

【Now財經台】近日同紐元較相關嘅消息，就係新西蘭財政部已宣布任命雷曼(Anna Breman)為首位女行長，任期5年，呢個人任命對紐元有咩影響？

東亞銀行財富管理部高級投資策略師黃燕娥指，市場唔會太關注新行長任命，又指新行長首要解決紐西蘭經濟放緩問題，睇返央行整體貨幣政策立場，理論上需要透過持續減息刺激經濟，紐西蘭可能受上半年天災影響，導致經濟增長放慢，若新行長上任後經濟仍然好差，央行可能有持續減息嘅傾向。

Angela續指，紐西蘭央行減息步伐較快，市場估計，10月及11月議息會議都會減息，又相信明年會有持續減息嘅部署。