【槓桿致勝】揀眾安CALL要睇呢樣嘢

【Now財經台】香港《穩定幣條例》將於8月1日生效，近日炒起唔少穩定幣概念股，其中，眾安在綫(06060)近日曾上過22.75元高位，之後反覆向下，今早(30日)輕微高開0.5%後，曾升近2%至18.58元。市面上嘅CALL引伸波幅有冇好大變化？投資者揀產品時有咩要留意？

中信證券國際股權衍生品銷售經理李佳原指，由於近日眾安股價波幅太癲，所以短線嚟講引伸波幅定價幅度會較大。CALL輪方面，雖然引伸波幅達90%水平，但以眾安近日定價嚟講已算較低。佢補充，資金偏好選擇高槓桿嘅CALL，特別係輪價方面冇咁「仙」嘅CALL，約0.1元，相反，資金唔太在意CALL嘅行使價。