【期匯決算】期銅短線睇9800美元

【Now財經台】銅價已連升5日，高盛估計，8月期銅價格有機會升至每噸10050美元，銅價仲有幾大上升空間？

1uptick Analytics首席分析師杜浩霆指，倫敦金屬交易所(LME)3個月期銅價格暫時仲未升穿9800美元水平，LME庫存自從美國總統特朗普(Donald Trump)公布關稅政策後跌咗近6%，搞到供應緊張，但睇返成個大環境，庫存跌嘅主因係關稅戰後，好多銅都提早運咗去美國，紐約商品交易所(COMEX)庫存大幅增加，市場供應相對充足。

Perry覺得，銅價未必可以睇得太樂觀，因為依家供應及需求都相對穩定，而中國作為最大需求國嘅庫存都輕微上升，相信短期可以睇返阻力位，LME 3個月期銅睇9800美元水平，COMEX就睇每磅5美元水平，佢又建議投資者依家唔好高追期銅。