【槓桿致勝】美團CALL唔值博？

【Now財經台】美團(03690)股價今早(26日)受壓，一度跌2.4%，低見128.6元，好淡倉都有追捧，持續有資金流入，熱門CALL方面，價外7%至84%都有，想做睇好部署應該點揀，還是揀牛證更著數？

法巴上市衍生產品部銷售及市場推廣主管李梓維指，美團依家欠缺可推升股價嘅催化劑，建議等一等，而揀CALL輪博反彈嘅投資者，就要留意時間值損耗。

佢又話，現時牛熊證收回價介乎120元至122元，尚算安全，既然要等一等，建議揀牛熊證比CALL輪更值博。