【輪證贏家】恒指未見方向

【now.com財經】噚日恒指愈上愈有，最後仲上到24,500點樓上，只不過收市時稍稍向下落返去2447x位置；但都已經破返6月12日個高位24,439點，再向上望嘅話就係3月19日嘅高位24,874點，亦即係今年嘅高位。

不過今朝指數低開百零點，再到依家9點51分，指數跌幅已經擴大至跌逾200點。今朝作戰室都有計劃出好倉，皆因諗住指數仍然靠近上方熊證街貨，而會繼續向上掃，不過似乎指數都要比啲位技術指標鬆一鬆，向下落一落之後依家又浮返上靠近24,300點位置，10點未到就嚟又浮返上去今朝開市水平，Chok到嘔白泡。

等到10點打後確認指數低走於小時圖嘅10線，作戰室先至敢出淡倉，順便追埋Slow STC(14.3)兩線向下，但注碼都唔係大，皆因指數喺五分鐘圖上有似行出「三角形」。

作戰室暫時都只係偷得一兩格，喺呢度嘅話，今日都係做觀眾比較安全。

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon七日免費試用即市作戰教室://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。