【專家分析】買眾安要用投機心態

【Now財經台】眾安在綫(06060)股價今日(25日)全日受壓，低開後，一度見18.68元，大跌7.7%，其後收復大部分失地，眾安股價上月累升逾70%，6月至今就升2%，本港及美國先後通過穩定幣相關法案，本身有投資虛擬資產嘅思眾安，作為1隻相關概念股，股價係咪可以食住呢個勢繼續上？

元宇證券投資總監林嘉麒指，穩定幣主要喺各自國家先推行，之後慢慢再同國際接軌，而眾安喺呢方面只係啱啱起步，有唔同業務更新，雖然股價短線出現調整，但認為仍有得炒。

KK又話，要發行穩定幣門檻非常高，眾安未必係第一梯隊，加上螞蟻集團離場，令兩者關係出現變化，雖然對業務冇影響，但好難再有好大嘅協同效應，建議投資者睇實眾安自身發展，用投機心態去衡量呢隻股份。