【槓桿致勝】小米短身CALL爆發力強

【Now財經台】小米集團(01810)股價今早(25日)走勢反覆，一度升近1%，高見57.45元，其後向下，集團明晚(26日)就會舉行產品發布會，其中，小米汽車首部SUV YU7及人工智能(AI)眼鏡都會亮相，市場上熱門嘅條款都唔少，應該點揀好？

華泰金控股票衍生品經理溫蕎菲指，市場憧憬小米新產品可帶動整體銷量，想短炒博股價繼續向上，可以考慮輕微價外嘅CALL，行使價64元，雖然較短身，但勝在爆發力強及槓桿高。

佢又話，如果想部署淡倉，就可以揀行使價43元嘅PUT輪條款，11月到期，槓桿6倍。