【FINTERVIEW】美減息最快要等暑假後？(上)

【Now財經台】中東局勢顯著緩和，加上聯儲局主席鮑威爾(Jerome Powell)最新話，如果美國通脹冇預期咁高，減息時間可能來得較早，美股3大指數昨晚(24日)走強，而標普及納指同歷史新高嘅距離進一步收縮，半年結前有冇機會破頂？聯儲局7月減息嘅機會大唔大？

華晉證券資產管理投資總監馮宏遠估計，美股半年結有機會創新高，因為權重股已完成調整，可以繼續推高指數，加上地緣政局危機解除，美股短線趨勢仍會向上，所以有機會破頂。

美息方面，Thomas認為，市場仍對7月減息有期望，主要係聯儲局官員口風唔一致，而油價及金價最動盪時期已過，經濟又未見出現大問題，但佢認為，美國喺下半年開局即減息嘅機會唔大，最快都要等埋夏天嘅通脹數據，即暑假後，9月先有機會出手。