【專家分析】美股下半年揀股唔好同趨勢作對？

【Now財經台】美股今年以來跑輸歐洲股市及港股，3大指數及納指100僅錄得低至中單位數升幅，展望下半年，有冇機會發力追落後？投資者應該點部署？

潤淼資產管理董事盧志威指，今年跑贏大市嘅股份主要係半導體及科技股，反映當市場脫離危機後，投資者仍偏好創新科技產業，例如人工智能(AI)。佢又話，由於以伊戰事對AI產業鏈影響好細，因此，可以考慮做長線部署，並增加資產配置。

William續指，以伊戰事問題基本上已解決，所以油、金暫時唔值得再部署，至於落後嘅板塊，例如受關稅影響嘅消費股，表現相對其他板塊弱，雖然關稅問題轉趨明朗化，消費板塊增速亦加快，但由於不確定性仍大，所以只適合配合政策做短線部署博反彈。