【期匯決算】紐油65美元有初步支持

【Now財經台】美國總統特朗普(Donald Trump)今朝(24日)宣布，以色列及伊朗已達成停火協議，意味結束為期12日嘅戰事，其後伊朗國營電視台都確認呢個消息，雖然不明朗因素未完全掃除，但國際油價繼昨日大冧8%後，紐約期油及倫敦布蘭特期油今日繼續跌，以伊戰事以嚟嘅升幅，基本上已經「化灰」，油價短線支持位睇咩水平？

信誠證券及期貨投資服務部董事蕭猷華估計，紐油喺每桶65美元會有初步支持，又認為油價大方向仍然係向下，紐約一度升穿78美元，因為當時局勢比較緊張，之後一度回落至64美元水平，估計短線可以企穩65美元水平，策略上可以吼油價彈高少少，吼位再睇淡油價。