【環球金融快線】虛擬貨幣「慢牛」格局不變

【Now財經台】過去1年，當市場出現動盪時，比特幣(Bitcoin)價格輕微回調後，好快就會再爆上，曾經衝上11萬美元水平，不過，最近爆發以伊戰事、美國「參戰」，Bitcoin價格又跌返落嚟，到底虛擬貨幣係咪避險之選？

iFast Global Markets副總裁溫鋼城指，與其話虛擬貨幣係避險資產，其實更屬於一種多元化資產，係一類高風險投資，不過，近期市場為咗規避美國債務，同埋擔心美元貶值，所以就推高咗虛擬貨幣價格。

佢又話，虛擬貨幣喺美國市場好受歡迎，亦變相做量化寬鬆(QE)，短線而言，預期虛擬貨幣會呈「慢牛」上升格局，如果突然急升後出現適度回調，其實都係正常現象。