【期匯決算】Yen短期難轉強

【Now財經台】亞太區股市今日(23日)普遍向下，就連被視為避險貨幣嘅日圓都要跌，轉弱至147兌1美元，今早(23日)日本公布消費物價指數(CPI)，其中，綜合、製造業、服務業指數都有得升，製造業指數更重上50水平以上，不過，日圓仍跌至5周低位，似乎每當市場有重大潛在危機，點解Yen發揮唔到避險貨幣功能？

ATFX亞太區首席分析師林銘添指，要視乎整體政局及美元嘅強弱，先可以判斷日圓係唔係一種合適嘅避險貨幣，市場原本預期美國上半年會減息，但到依家都未有行動，至於有需要加息嘅日本央行就按兵不動，令美國喺息差上仍佔優，佢估計，日圓短期仍會偏弱，先考驗148至150水平，之後就要視乎美日嘅經濟數據。