【名家給力場】王浵世:內地減存款息係必然趨勢

【Now財經台】近期內地銀行存款息顯著下調，多家內銀嘅存款息已降至歷史低位，部分1年期定存息已減到唔夠1厘關，有分析認為，內銀減存款息主要有3個原因，首先係貸款市場報價利率(LPR)下調，其次係銀行淨息差壓力，最後係政策引導，點睇呢個情況？

資深銀行家王浵世認為，存款息下調係一個必然趨勢，當中有幾個原因，首先係當世界整體環境唔係咁好，必然會將錢存入銀行，如果銀行唔下調存款息，而貸款利率又向下，利差就會「薄咗」，其次係想谷啲錢出嚟，依家民眾唔願意消費，而利率再向下唔係冇可能，因為內地儲蓄率好高。

佢又話，內地要將利差維持喺某個水平，一旦再收窄，存款息唔降，但貸款利率降，對銀行嚟講絕對唔係好事。