【期匯決算】歐元有機回調至1.13水平

【Now財經台】美國總統特朗普(Donald Trump)上周五(23日)突然警告，會喺6月1日向歐盟加50%關稅，但同歐盟委員會主席馮德萊恩(Ursula von der Leyen)通完電話後，最新宣布押後至7月9日先實施，歐元應聲反彈，突破1.14水平，衝上近1個月高位，如果最終可以傾掂數，歐元前景係咪值得憧憬？

ATFX亞太區首席分析師林銘添指，但單靠押後加關稅消息，未必可以將歐元推上1.15水平，加上雙方未有實際談判結果，所以關稅仍會為歐元區經濟帶嚟壓力。

Martin補充，依家歐洲央行對歐元區增長睇法唔係太樂觀，估計經濟增長將會放緩，令減息預期升溫。不過，若美國通脹回調，將推動聯儲局提前減息，會窒礙美元上升，繼而利好歐元。但佢認為，歐元依家升極有限，後市有機會回調至1.13水平。