【專家分析】美元2025年走勢要睇...

【Now財經台】美元2024年表現係2015以嚟最好，即使喺去年最後一個交易日，美匯指數仍可一度再創年內新高，高見108.58水平。展望2025年，市場認為美元走勢始終要睇美國總統當選人特朗普(Donald Trump)今個月上任後嘅關稅政策，有機會令美元持續偏強，究竟美元今年會點走？會受咩因素影響？

鴻鵠資產管理行政總裁陸庭龍指，由於美元同全球其他主要貨幣嘅息差唔大，所以預期美元唔會大幅上升，始終利率係反映背後嘅基本經濟因素等情況。

Alan又話，依家美元持續強勢，係因為市場仍認為美元資產回報較高，加上內地經濟面臨壓力、中東戰事持續、俄烏戰事前景等不確定因素，都令投資者認為將資金泊喺美元始終係比較安全。