【名家給力場】伯明翰破產恐引發漣漪效應(上)

【Now財經台】英國第2大城市伯明翰(Birmingham)喺當地時間9月5日突然宣布破產，首相辛偉誠表明政府唔會出手救伯明翰，噚晚歐洲股匯未見波動，係咪意味市場覺得事件影響唔大？

勝利瑞柏基金管理合伙人暨投資總監陳建良相信，呢次唔係單一事件，並指有統計顯示，英國仲有逾20個城市有破產風險，認為辛偉誠對伯明翰破產事件嘅回應，似乎係警告其他城市政府，唔好期望一旦輪到佢哋「爆煲」政府會出手打救。

KL又指，無論英國政府救定唔救，市場嘅第一個反應好大機會係美元會升，會對全球風險資產偏向不利，仲話未來3個月要密切留意事態發展。

佢分析指，若英國政府用「印銀紙」方式打救，喺當地高通脹環境下，會令英鎊及英國債價受到好大壓力，如果政府選擇唔救，再有城市突然爆煲，當地經濟將會轉差，房產價格下跌，企業經營困難，失業率又上升，到時就係當地銀行業同股市出事，因為…