我的股票

    名稱 現價 升跌

    資料報價延遲十五分鐘

    【名家給力場】黃仁勳事件手尾長 Nvidia先輸估值?(上)

    【分析】 6小時前

    【Now財經台】美股近日表現唔好,道指昨晚(17日)又大冧逾800點,不過,兩大人工智能(AI)巨企Anthropic及英偉達(Nvidia)都有正面消息,後者昨晚交咗一份靚季績兼調高Q4指引,股價盤後都有得升,前者由於招股反應理想,可能會「加價」,即以高過上限定價,估值或會上調。呢兩單算唔算係利好消息,可唔可以幫到美股?

    「股市漁夫」創辦人莊志雄認為,一兩個星期或者可以幫個市彈一彈,始終成個半導體板塊跌咗咁多已經超賣,黃仁勳離開Nvidia嘅消息都消化晒,之前話佢會返去嗰啲變數,董事會都喺業績報告明確表示,無意重聘黃仁勳做CEO,Lewis認為黃仁勳重返Nvidia機會好低,機會率最多只有5%,現時仲有好多訴訟、獨立調查未完成,呢啲都有排搞,但估計公司唔會有好大麻煩,而未來2至4季可望完成接班,呢個就係基本情景。

    不過,仍有30%機會事件會惡化,繼而影響估值,因為黃仁勳離開Nvidia,投資者唔願意畀溢價去買,同「科技7 雄」(Mag 7)比較,已有明顯折讓。若調查擴大、出口合規或商業決策受影響,當風險再增加,甚至高管及人才流失,到時風險溢價會再增加,令估值進一步受壓。

    莊志雄
    「股市漁夫」創辦人