【名家給力場】港股市況差竟爆賣殼潮？

【Now財經台】港股上周反彈，恒生指數今日(9日)一度升穿24700點，但之後升幅收窄，尾市更倒跌，不過，無論市況好定差，賣殼賣盤活動都會有，轉去主板唔夠4個月嘅亮晴控股(03774)，以3.5億元賣盤，股價今日(9日)一度爆升29%，高見39.58元，點睇呢單解讀？

《香港股票財技密碼》作者梁杰文指，亮晴上周傳出賣盤消息，當時股價裂口大跌，加上市況較差，股價就彈唔起，但股價今日爆上，買盤不斷湧入下刺激股價破頂，估計主要係資金開始留意亮晴。

Mike續指，短短一星期內，亮晴以外仲有3家公司轉讓控股權，賣咗殼，而今年賣殼宗數拍得住去年。佢又話，雖然近期市況轉差，但資金繼續熱捧殼股，無論大、小公司控股權都可以逆市易手。