【FINTERVIEW】內地全年GDP增長有望達標？(上)

【Now財經台】內地上季國內生產總值(GDP)增長略為放緩至4.5%，現時大行對第4季經濟表現睇法分歧，不過，市場普遍預期，即使全年GDP增長達標，亦可能只係貼近目標下限，甚至低過目標。近期公布嘅經濟數據，會唔會令市場對第4季經濟前景重新轉為正面？

資深經濟學家兼都會大學高級講師林樵基指，單睇10月數據去判斷經濟表現可能未必夠全面，因為假期等因素都會影響數據表現。佢認為，第4季仍然有機會改善，尤其係11月、12月，歐美及其他市場正為聖誕節追貨，部分產品早喺5、6月落單，近期陸續需要出貨，有望帶動部分行業嘅生產及出口表現。

Benny又指，內地全年經濟增長仍然有機會達標，暫時對經濟前景比較正面，佢估計，最終表現未必會落喺目標下限。