【期匯決算】澳洲兌紐元交叉盤可睇高一線
【分析】 2026/10/28 17:32
【Now財經台】新西蘭央行議息後,維持指標利率於2.75厘不變,令市場大跌眼鏡,議息結果出爐後,澳元兌紐元交叉盤應聲上升。此外,澳洲今朝(28日)出咗通脹數據,9月消費物價指數(CPI)按年升4.3%,略高過預期,CPI爆冷升溫,市場會唔會轉為押注澳洲央行下周將會加息?不過,澳洲息口已高達4.6厘,如果再加息,將會有更大息差優勢,澳元係咪會持續強勢?
獨立外匯商品分析師盧楚仁表示,澳元嘅息差優勢的確好大,加上預期澳洲通脹好難回落,令澳洲央行未來會持續有加息壓力,若2027年再加息,澳元可以繼續睇好,估計澳元買盤有增無減,而澳元兌紐元交叉盤更值得睇高一線。
![]() | 盧楚仁 獨立外匯商品分析師 |
