【專家分析】點解偉祿大股東被連環斬倉？

【Now財經台】偉祿科技股份(01196)大股東昨日(22日)又被斬倉後，股價今日反彈，一度狂飆43%，高見0.395元，成交都配合，但其後升幅不斷收窄，收市僅升逾7%。偉祿3個月以嚟兩度被斬倉，今次涉及8129萬股，佔已發行股份1.41%，點解會被斬倉，係咪同向券商借錢有關？

《香港股票財技密碼》作者梁杰文指，向券商借錢係最典型被斬倉嘅原因，因為大股東將股份抵押咗畀券商融資，而券商本身有風險守則，會留意大市變化或資金用途。

Mike又話，散戶都會接觸到孖展融資，當投資者借錢去炒股，若持倉嘅價值一路縮水，或會觸及止蝕或平倉嘅價位，一旦觸及，券商會要求投資者補錢，如果唔成功，就會即時沽貨控制風險。

佢續指，7月底嘅斬倉行動係一個警號，當時因為大股東、資金鏈問題而觸發斬倉，去到近日情況較失控，大股東已經冇錢托住個價。