【期匯決算】紐油有機會試衝102美元

【Now財經台】近期中東石油出口放緩之際，霍爾木茲海峽(Strait of Hormuz)輪船遇襲創新高，摩根士丹利調高明年倫敦布蘭特期油預測，又指包括柴油等成品油供應緊張持續至明年中，但整體走勢仍預期逐季回落，油價後市係咪都係由需求轉弱主導？

亨達集團助理總經理羅明立指，一方面全球需求或會下跌，另一方面，中東產油國供應正在慢慢恢復，伊朗與胡塞武裝對設施同船隻嘅攻擊對油價屬短期刺激，隨著市場預期美伊局勢發展，加上美國喺中期選舉前後都一定會做啲嘢，以防局勢拖延，長遠而言，油價比現水平有回落都係合理預測。

Patrick預期，若紐約期油企穩每桶97至98美元樓上，或有機會上試102至103美元，但再進一步大幅上升嘅機會就唔係太大。