【名家給力場】Anthropic及OpenAI IPO變美股隱藏風險？(上)

【Now財經台】踏入10月，人工智能(AI)股顯著回調，但科技7雄(M7)就跌得相對少，期間，納指市寬回調更深，如果M7表現好啲會唔會幫到納指？

「股市漁夫」創辦人莊志雄指，其實依家已經幫緊，不論納指、M7、半導體股、存儲股，喺9月中至10月都有得升，但10月初開始跌，尤其係半導體及存儲股，後者自高位回落逾20%，近期市場最大關注點係企業嘅穩健程度，M7有好強勁現金流一定係穩健，所以見到大型雲端企業股價，過去1個月表現平穩，托住成個指數。

此外，大型雲服務供應商如Coreweave，市場擔心集團財務壓力，CDS升咗好多，表現好差，如果市場依家咁擔心企業穩唔穩健，嚟緊會迎來Anthropic嘅巨無霸IPO，會唔會影響集團上市及估值？

莊志雄就話，其實現在已經有影響，之前SpaceX上市搶咗好多資金，吸咗市場好多水，之前已提及，SpaceX上市後發完債，見到美債息抽高，正正反映吸水嘅問題，據Ant日弓hropic上市文件顯示，依家傾緊嘅基建項目涉及7500億美元，絕大部分7至10年內唔可以取消，市場就開始擔心...