【專家分析】SpaceX證明AI真係賺到錢？

【Now財經台】美股科技股業績陸續出爐，其中，超微電腦(Supermicro)表現好過預期，刺激股價日前飆15%，SpaceX第3季扭虧為盈，人工智能(AI)收入更反超星鏈(Starlink)，消息能否掃除市場對AI難變現及循環投資嘅憂慮？

泓瀚資本董事盧志威指，如果睇數據，AI產業基本面冇乜問題，市場嘅憂慮其實唔係好成立，超微電腦接單情況好理想，反映硬件需求未受高息影響。此外，xAI入咗SpaceX後，發展增長仍然係好快，但認為應用層仍未發揮到極限，因此，可以憧憬市場或另有睇法，認為AI大模型及下游應用有變現能力，有望提振近期走勢疲弱嘅納指。

William又話，循環投資其實係好正常，包攬上下游產業鏈都好常見，好似南韓三星電子(Samsung Electronics)，由手機設計到代工、硬件都有做，只不過當前最大風險在於龐大資本開支(CapEx)帶嚟嘅債務問題，要留意會唔會壓垮某啲企業。