【期匯決算】若右翼抬頭歐元恐急瀉

【Now財經台】法國大規模示威演變成暴亂，巴黎市內部分地區一度要宵禁，歐洲多個國家亦爆發示威活動，法國10年期債息重上4.9厘，歐元昨日(19日)跌完今日(20日)出現反彈，暫時守住1.12，有分析認為，今次係世代之爭，人口老化令退休金開支大增，年輕人要養長者，政府又削減教育開支，點睇依家嘅局面對歐元嘅影響？

艾德金融投資執行董事文錦輝指，歐洲每個國家都有呢個問題，但歐洲議會及央行冇行動去處理問題，因為一般都係用返國家嘅預算案解決，成個歐洲都面對人口老化，涉及長者嘅開支龐大，唯有向年輕人「開刀」。

Felix又指，歐元近日跌唔落，因為美國債息回落，美元又升返少少，令歐元企穩1.12水平，不過，買非美貨幣唔使心急，基本上唔彈穿1.135都唔好買，除非俄烏戰事解決及撳低右翼，尤其法國係歐洲第2大經濟體，如果明年法國極右翼領導人瑪琳勒龐(Marine Le Pen)執政，其他歐洲國家嘅右翼一抬頭，歐洲就會變天，到時歐元可能會急挫，之後無論推乜嘢貨幣或財政政策都舉步為艱。