【槓桿致勝】寧德CALL唔值博

【Now財經台】寧德時代(03750)股價連跌5個交易日，今早(20日)一度跌7%，低見408.6元，集團今日(20日)出業績前，有大行降評級至「中性」，更狠削目標價31%至500元。寧德牛證接連被收回，現時想入場博反彈部署CALL輪，揀短年期、槓桿9至10倍、價外14%至16%條款，值唔值博？業績後股價會唔會繼續受壓，好難到價？

胤源世創家族辦公室(香港)第一副總裁黃偉豪指，寧德股價已跌咗唔少，雖然CALL輪條款及槓桿吸引，但業績前後引伸波幅可能會縮，若選擇年期太短、槓桿太高嘅產品，即使睇啱方向，亦可能因引伸波幅收縮而有明顯虧損，因此，暫時唔建議開CALL。

佢又指，短線要留意近期低位409元水平，如果跌唔穿，有機會輕微反彈，上方則要留意430元附近會有較大阻力。