【專家分析】兌吧轉戰AI短劇大成功？

【Now財經台】兌吧(01753)股價今日(14日)一度爆升50%，高見0.72元，集團透露，新業務人工智能(AI)短劇連續3個月有錢賺，兌吧今年1月由SaaS(軟體即服務)轉型至AI短劇，睇返中期業績，收入已有2.23億人仔，佔整體收入51%，但因為AI業務勁燒錢，令中期業績「見紅」，雖然新業務表現好，但唔代表盈利一定有保證，點睇兌吧現時經營狀況？AI短劇業務收入增長勁，係咪足以撐起成份業績？

高歌證券金融首席分析師聶振邦表示，兌吧轉型成效唔錯，之前做SaaS生意時，已有分析廣告流量嘅技術優勢，依家做AI短劇似乎用得著，成功製作吸引性高、流量高嘅短劇。

聶Sir又話，雖然兌吧中期業績仍錄得虧損，就算嚟緊未能扭虧，但估計虧損會進一步收窄。佢認為，兌吧擁有自家系統製作AI短劇，壞處在於前期投入較多，但好處係唔使用詞元(Token)，因此，雖然兌吧前期投入大，但未來成本效益會較理想。