【專家分析】油價短期好難大跌

【Now財經台】國際油價昨日(12日)走勢波動，主要受俄烏能源停戰，以及美俄聯手釋放柴油儲備等影響，紐約11月期油昨晚(12日)收市升2.1%，報每桶93.74美元，倫敦布蘭特12月期油就升1.8%，報106.65美元，點分析各項因素對油價嘅影響？

高富金融集團投資總監梁偉民指，美國總統特朗普(Donald Trump)最近好多動作，相信只係想透過推低油價，增加共和黨喺中期大選嘅勝算。佢又話，市場對俄烏能源停火仍有質疑，就算真係停火又會持續幾耐，始終唔知打仗期間雙方係咪唔會攻擊石油設施，而特朗普暫時放寬對俄羅斯柴油出口限制，對整體供應會有幫助，但暫時未知具體數量。

Wyman續指，市場認為，依家最大問題仍然喺油市，美伊戰況及也門胡塞武裝跟沙特阿拉伯嘅衝突，或會影響曼德海峽(Bab el-Manded Strait)，亦未知紅海繞道出口會唔會出現新阻滯，令石油供應進一步受影響，呢啲問題一日未有明顯改善，市場仍會擔心油價走勢，導致存在風險溢價，因此，相信油價短期唔會顯著下挫。