【專家分析】科指今年跑輸成條街因食唔到呢浸升浪

【Now財經台】科指上周五(9日)強勢反彈，但今年計仍累跌逾23%，期內，恒生指數及國企指數累跌5.5%和8.9%，科指大幅跑輸，喺人工智能(AI)大時代之下，港股AI成分股唔多一直惹嚟唔少討論，而恒指公司終於落實改革，下次季檢科指將會一口氣加入20隻成分股，總數將增至50隻，點睇呢次改革？

易方達資產管理(香港)高級策略師譚智樂指，今年全球股市都有個趨勢，就係指數公司都降低「集中度風險」，現時科指只得30隻成分股，集中度風險會較高，ATMX呢類傳統互聯網股佔比的確偏高，現時科技行業其中1個主要增長動力係AI，另一股唔可以忽視嘅動力係生物科技，科指成分股增至50隻，呢個都係大趨勢，要降低「集中度風險」其中一個做法係增加sample size。

但佢認為，就算點改革都未必涵蓋到生物科技股，所以喺今輪升浪中，就食唔到生物科技呢一浸，亦導致科指表現比較差。