【名家給力場】投資者唔願揸美國長債

【Now財經台】美國財政部拍賣3年、10年及30年期國債，其中，10年期國債反應理想，但30年期反應就差過上次，但如果睇返過去平均水平，拍賣情況仍算穩健。美國長債息昨晚(8日)先升後跌，今次拍賣結果對長債息未來走勢有冇更多啟示？

冠域商業及經濟研究中心主任關焯照指，拍賣3年期國債時，正值市場對債息風暴憂慮高峰，但拍賣10年期國債時反應好理想，證明只要息口夠吸引，就會有買家，加上一級交易商買到嘅貨極少，過往平均都有10%，但今次只有2.5%，證明10年期國債好搶手，但30年期就相對較差，反映市場對長揸美債有憂慮。

關博士又話，嚟緊會拍賣20年期國債，如果反應理想，美債就會安全，債務危機亦會有改善，佢又唔認為美國債市會惡化。