【FINTERVIEW】 港股只求撐住唔冧大升唔使諗？(上)

【Now財經台】恒生指數喺內地「十一黃金周」長假期間，一度失守24000關，其後已收復失地，不過，雖然北水今日(8日)「回歸」，但恒指一度再跌穿24000點，暫時繼續喺呢個位爭持，外圍債息高企兼美元走強，港股估值同外圍有差距，大市依家有冇利好因素？港股喺美國中期選舉前係咪會持續喺現水平徘徊？

富邦銀行(香港)投資策略及研究部主管潘國光認為，港股好難大升，因為中央政策主要集中谷內需，例如消費，較少全面支持股市嘅政策，加上息口會限制咗環球股市表現，若美國聯儲局年底前再加息，香港唔多唔少都要跟加，不論長息、短息都會影響估值，唯一寄望係美國半導體、人工智能(AI)部分資金，將會轉為流入A股及港股，撐住恒指唔會急速下滑。

佢又話，當債息高企及美國中期選舉完結後，受地緣政治因素影響，年底前出現全球性利淡因素嘅機會愈來愈大。