【專家分析】AI狂燒錢美科企Cap水停唔到？

【Now財經台】環球債息、息口持續企高之際，唔少企業啟動「抽水機」，繼日前傳出馬斯克(Elon Musk)旗下SpaceX計劃籌400億美元後，最新傳出博通(Broadcom)為支持OpenAI訂購人工智能(AI)晶片，計劃融資逾500億美元，未來會唔會更多科企跟隊「抽水」，限制咗美股升勢？

東亞證券高級投資策略師陳偉聰指，市場估計，明年企業債發行量將會逾過萬億美元，其中，科企佔比較大，而債券年期會偏長，因為人工智能(AI)嘅資本開支(CapEx)長達5至10年，發債主要對象係雲服務商，而額度預期會持續增加。

Jason續指，長遠而言，要債息回落會比較難，因為供應增加但需求有限，所以短期收益率仍會較高，佢又指，如果發債需求開始減弱，加上實體經濟陷入衰退，先有機會扭轉長債息嘅上升趨勢。