【專家分析】「M7」唔再係美股業績期主角？

【Now財經台】據《彭博》統計顯示，美股今季業績唔再係睇「科技7雄」(Magnificent 7)，標指493隻股份今季盈利增長預測將會係過去1年最大，市寬亦唔再集中喺少數科技巨企身上，點睇呢個轉變？

高富金融集團投資總監梁偉民指，科技7雄今年表現參差，同人工智能(AI)及半導體相關嘅表現較好，但唔代表穩定，以微軟(Microsoft)及Meta為例，股價曾經跌到低位一段時間，市場主要擔心AI企業唔知幾時可以變現，因此，會令股價短期受壓。

Wyman又指，整體業績方面，標指第3季盈利增長按年約30%，但主要來自能源及科技企業，其他行業增長好小，除咗呢兩個板塊，其他板塊升幅唔大，因此，市場認為股價表現較全面暫時都唔係事實。