【專家分析】藥企業績變「尋寶圖」？

【Now財經台】美國藥企默沙東(Merck Sharp & Dohme)周一(28日)宣布，同成立僅兩年的上海思璞銳醫藥簽署全球獨家授權協議，向其引入臨牀前口服抑制劑SPR2015，首付金額4億美元，據內媒報道，金額創全球臨牀前資產對外授權交易新高。野村形容交易反映中美醫藥合作顯著回暖，點睇呢單消息？

元宇證券基金投資總監林嘉麒指，近年中美藥厰交流頻繁，今次合作可進一步提升內地藥廠價值，而外國公司亦要搵新項目及新增長點，既然內地藥厰技術成熟、項目多，而且有成果，自然有更多機會，從而提升生物科技股估值。

KK續指，投資藥股要睇邊間公司有較多項目研發，同埋跟外國有交流，研發出具潛力藥物嘅機會大增，建議投資者揀龍頭企業，同埋有強大研發能力，曾經或正在跟外國藥厰合作就更好。

佢又提醒，揀股時亦可以睇業績報告，如果提及公司將會有更多產品踏進第3階段，或要進行商業化，呢啲公司就有較大投資價值。