【名家給力場】內地救樓市「第一針」劑量唔夠？(上)

【Now財經台】內地喺國慶長假前夕出招撐樓市，人民銀行下調部分政策利率，擴大針對個別產業扶持政策再融資額度等，人行又聯同財政部、金監總局發布樓按息補貼新政策，不過，消息公布後，對內銀及內房股嘅刺激不似預期，內房股更見光死，股價連日炒上後，今日(30日)顯著回落，點分析新政策嘅效果？

勝利證券首席顧問陳建良指，對比過往嘅救樓市政策今次力度明顯偏弱，而且有唔少限制，包括樓價唔可以超過150萬人仔，政府貼息只係為期1年等，難刺激潛在買家買樓。佢認為，如果想救內房，政策「第一針」嘅劑量必需夠大，先可以打破潛在買家嘅猶豫，令佢哋下定決心買樓，依家明顯力度不足，所以買家會傾向繼續觀察，等待更好嘅優惠。

KL續指，內地喺呢個時候出招，反映經濟增長不似預期，又坦言內地正面對一個相當畸形嘅經濟，過度重視人工智能(AI)發展跟美國抗衡，導致青年人失業問題嚴重，大量工作崗位面臨被AI取代。